Таны нэр төрийн баталгаа буюу утасны дугаарын "НАЙМАА"

Үүрэн телефоны анхдагч оператор МобиКом Таны нэр төрийн баталгаа.
Алтан дугаар, Мөнгөн дугаар, Хүрэл дугаар..... Таны нэр төрийн баталгаа.

Та энэ үгийг ТВ, радио, сонин хэвлэлээс олон харсан байх. Энэ үгнүүдийг сонсоогүй монгол хүн байхгүй гэхэд хилсдэхгүй байх.

9999****, 99**1111 гэх зэрэг адилхан тоонуудтай нь АЛТАН ДУГААР, 99**2121 зэрэг дугаар нь МӨНГӨН ДУГААР. Эдгээр дугаарууд нь Таны нэр төрийн баталгаа гэдэг шалтгаанаар энгийн дугаараас(урьдчилсан төлбөрт) 10-40 дахин үнэтэй. Дундаж цалинтай хүний бол нэг сарын цалинтай тэнцэнэ. Бараг илүү ч гарах байх. Тиймдээ ч "томчууд" л авна.

9901-9909 хүртэлх серийн дугаарууд нь дараа төлбөртийн дугаарууд. Нэгж дууслаа, хугацаа дууссан гэх жижиг сажиг "стрэсс" нээс хол явахад тань тусална. Тусалж байгаагийнхаа хирээр энгийн дугаараас 10 дахин илүү төлбөр нэхнэ(анх дугаар авах үед). Төлбөрөө эхлээд төлөх үү, хэрэглэснийхээ дараа төлөх үү гэдэг дээр л дор хаяж 90.000 төгрөгний ялгаа гарах юм.
Төлбөрийн хэлбэрээс, дугаарын гоё муухайгаас утасны дугаарын үнэ 10.000-400.000д хэлбэлзэнэ. Алтан мөнгөн дугаар, дараа төлбөртийн дугааруудаа таны нэр төрийн баталгаа гээд байх шиг байгаа юм.

Японд (бусад гадаад оронд ч ) утас авахад энэ дугаар ийм үнэтэй, энэ дугаар нь тэдийн үнэтэй гэхийг та сонсож байсан уу?
Зүгээр л дараалсан хэдэн тоог ингэж үнэд хүргэх хэрэг юу байна? Дугаарыг ингэж хөөргөдөж, үнэд хүргэдэг улс орон манайхаар өөр байхгүй байхаа. Утас авахад дугаар бол дагалдаж ирдэг эд баймаар.

Аан бас хос дугаар гэж байгаа. Дараалсан дугаарыг хэлээд байх шиг байгаа юм. Нэг дугаар нь 18.000 төгрөг(урьдчихсал төлбөрт). Дараа төлбөртийн хос дугаар, Алтан , Мөнгөн хос дугаар гэвэл үнэ нь тэнгэрт хадна. Үүнийг чинь 2 уулаа очоод л дараалсан 2 дугаар авчихвал ОК байлтай. Гайхаад барахгүй.
Сүүлийн жилуудээд үүрэн телефоны операторууд нэмэгдээд одоогийн байдлаар 4 оператор үйл ажиллагаагаа явуулж байна. Анхдагч нь мобиком байсан болоод ч тэр үү мобиком хэрэглэдэг хүмүүс олон. Мобиком үнэтэй шүү гэсэн хирнээ л Мобигоо бариад л байна. Бодвол өнөөх л улиг болсон "Мобиком таны нэр төрийн баталгаа" тай холбоотой байх.
G mobile сүлжээн дотроо үнэгүй ярина гээд рекламдаад байдаг. G mobile авяа гэсэн эргэн тойронд минь G mobile ашигладаг хүн нэг ч алга. Чи ганцаараа G mobile аваад яахав, хэнтэйгээ үнэгүй ярих вэ? эсрэгээрээ моби руу ярих гэж үнэтэй яриад дэмий юм болно, хүмүүс ч чамруу ярихгүй болно....энэ тэр гээд Моби авах шалтаг мундахгүй. Ингээд л "Моби".

Ямарч байсан "стрэсс" нээс хол явах гэсэн дээ дараа төлбөртийн дугаар авлаа.
Харж л байя, Моби яаж нэр төрийг минь баталгаажуулахыг.

Зургийг http://tedy.mn/