Амьддаа бие биеэ хайрла

Амьддаа бие биеэ хайрла, хүмүүсээ
Алив сайхан бүхнээ бусдаас битгий харамла!
Хэрэггүй үгийн зэвээр зүрхийг минь бүү шархлуул,
Хэн нэгнийгээ харанхуй нүх рүү битгий түлх!

Архинд орсон нэгийгээ шоолж бүү инээ,
Аяа, чиний аав чинь ч байж мэднэ шүү.
Амжиж, чи өөрөө алдрын зэрэгт хүрсэн бол
Аз жаргалын хаалгыг бусаддаа нээж өг!
Ачийг чинь тэд бас бүү мартаг.

Ганц сайхан үгээр дутаж яваа хүнд
Гарцаагүй түүнийг нь олж хэл.
Гадаа нартай ч, гэрт хүйтэн өдөр
Газар дээр нэг бус удаа тохиолдоно.

Чамд дурласан сайхан хөвгүүнийг
Чанга хатуу үгээр битгий гомдоо, бүсгүй минь
Чамайг хайрласных нь хариуд хайрла!
Чамаас сайхан хүүхэнд ч дурлаж ч болох шүү.

Бидний амьдрал ав адилхан,
Бидний хоолой дээр үг хүртэл нэг янзаар зангирч
Бидний хацар дээр нулимс хүртэл нэг янзаар бөмбөрч
Бидний зам дээр ав адилхан учрал тохиолддог!
Бүсгүйн доголон нулимсыг асуулгүйгээр арчиж
Бүдэрч унасан хүүхдийг дээр өргөн аргад!

Өнөөдөр чи инээж, нөгөөдөх уйлдаг ч
Өөр нэг өдөр чи гуньж, цаадахь чинь дуулна.
Өлгий, авс хоёрыг хүн бүхэн дамждаг болохоор
Өөр юу ч хэрэггүй, бие биеэ л хайрла!
Өргөн хорвоод хүн хайраар л дутаж болохгүй!

Аз жаргалыг би, хүний сэтгэлийн галаар төсөөлдөг болохоор
Алтан нар гэрлээ бидэнд ав адилхан хайрладаг болохоор
Амьд явахыг би бусдад хайраа түгээхийн нэр гэж бодном.
Аз жаргалыг би бусдаас хайр хүлээхийн нэр гэж ойлгоном!

О. Дашбалбар

Аймхай.

6тай эрх дүү маань удалгүй дүүтэй болох гэж байсан юм. Буурай ээж нь:
- Дүү чинь гарч ирээд шилийг чинь хазна даа... гээд хэлчихэж. Дүүг чинь гарч ирэхээр хүмүүс дүүг чинь эрхлүүлээд чамайг тоохгүй болно доо гэсэн үг юм л даа.
Тэгсэн мань хүн нээрээнгээсээ хазуулна гээд ойлгочихоод их л санаа зовж, айж байна.
Нэг өдөр Буурай аавтайгаа сургуульдаа явж байхдаа асууж байна гэнэ.
- Тэр намайг хазах юм уу? Би тэрнийг хазах юмуу ? Тэр чинь шүдгүй юм чинь би хазах юм уу? . . . . . . . . . . (Тэр гэдэг нь удахгүй төрөх дүүгээ хэлж байгаа юм)

Дараа өдөр нь ээжээсээ
- Ээжээ таны шилийг хэн хазсын? ээж нь
- Айнкаа чинь.
- Өвдсөн үү?
- Жаахан байсан болохоор сайн санахгүй байнаа, гэхдээ их өвдөөгүй ээ.

Над дээр гүйж ирээд
- Та ээжийн шилийг хэзээ хазсын? чанга хазсан уу?
- Би нялх байсан сайн санахгүй байнаа.
Буурай аав, буурай ээж дээрээ гүйж очоод таны шилийг хэн хазсан, та хэнийг хазсан гээд л баахан шалгаав. Хазуулна гэхээс л айгаад байна.
Нэг өдөр жаахан мах чанасан дунд нь адууны шил байна. Тэмүүка энэ адууны шил байна гэсэн
- өөө дүү гарч ирээд намайг хазах гээд байвал наадхыг чинь хазуулчихяа гэнэ.

Удсан ч үгүй дүү нь гараад ирлээ. Тэр орой нь эгчтэйгээ ярилаа.
- Тэмүүка дүүгээ тэвэрч байна уу?
- Хазна гэж айгаад дүүдээ ойртох ч үгүй байгаа гэдийн.
Баахан ухуулга сурталчилгаа хийсний эцэст арай гэж дүүгээ тэвэрдэг болсон нь одоо бол миний дүү миний дүү гээд салахаа больсон. Ахаа гэж.

Зайдаст.

Өвөл гэртээ харьхад болсон явдал юм л даа, хөөрхөн санагдаад, эгдүү хүрээд ер болдоггүй юм.
Нэг орой усанд орж бснаа нэг их сонин , мэддэг ч юм шиг,үгүй ч юм шиг дуу дуулаад бх юм. Хэрэгт дурлаад камераа бариад очлоо. Дүү нартайгаа тоглох зугаалах үед аль болох камераа авч явахыг хичээдэг юм л даа. Япондоо буцаж ирээд уйдах үед ганц үздэг юм маань л харихдаа бичсэн хэдэн бичлэг маань байдаг юм.
- Ямар дуу дуулж байгаан?
- Би өөрөө зохиосын.
- аан.
Тэгснээ гэнэт "Божгоо" нуудаг юм байна.
- Юу нуусын?
- Шоколад...
- Усан дотор шоколад чинь хайлчдышт, Худлаа яриад...
- Би гоё юмтай.
- Гоё юмаа???
- ЗАЙДАСтай.
Хэхэ, , , , , ингээд оройжингоо гэр дүүрэн инээдэм боллоо. Манайхан ч үзээд л инээгээд байх нь тэр. Жаахан хүүхдээ гэж бас ч болохгүй хачин хачин юм сэтгэж ярих юм.

Энэ явдлаас нэг их удалгүй ЗАЙДАСтай дүү маань ЗАЙДАСтай дүүтэй боллоо. Дүүгээ хараад баярлах байх гэсэн үгүй ээ.
- Дүү нь ямар байна?
- Аймаар царай муутай, ув улаан. Ээж арай царайлаг дүү гаргаж өгч болоогүй юм байхдаа. Хэ хэ. Өөрөө ч бас тийм байснаа мэдэхгүй байж дүүгээ гоочлох нь. Хэд хоноод улаан нь гайгүй болоод ирсэн - Миний дүү миний дүү гэж өдөржин шөнөжин үнсэж гүйгээд салахаа байсан.