ФҮЖИ ууланд авираад ирлээ 1(нэмлээ)

Шөнийн 12 цагийн үеэс уул өөдөө авирч эхэллээ.Олон олон уулчид зэрэг авирч бна. Хүмүүс их бэлтгэлтэй явдаг юм байна. 2, 2 таяг, бороонд нэвтэрдэггүй хувцас, маск, хүчил төрөгч гээд л харахад л илт. Бид хажууд нь зүгээр л гудамжинд тоглож байгаатай адил харагдаж байлаа. Тэглээ ч авирч байхдаа бол бидэн шиг цоглог уулчид байгаагүй шүү. Агаар нь сийрэгхэн, одод нь гэрэлтсэн яг л Монголдоо байгаа мэт. Дээр нь ...

Зүүдэн дунд минь толгод нь үзэгдээд
Зүсрэх бороотой тэнгэр нь цэнхэртээд
Санаа алдхад салхи нь үнэртсэн
Сайхан нутгийн бараа тодхон. . . гээд л Монгол дуунуудаа дуулаад алхаад үнэхээр монголдоо байгаа мэт сэтгэгдэл төрж байлаа.

Хажуугаар зөрөх уулчид, сэнпай маань хүртэл -Та нар яаж ийм цоглог байж чаддаг юм бэ гэж гайхаж асууж байсан юм. Үнэхээр харанхуй, бороотой ой дотор бидэн шиг дуугаа дуулсан шиг авирах цоглог уулчид үнэхээр байгаагүй ээ.

Тэнгэр шиг бай

Хамаг бүгдээр чамайг
Харааж нулимж байвч, тэнгэр шиг бай!
Хамгийн сайн хүмүүс гэж
Хашгирч ерөөж байвч, тэнгэр шиг бай!

Тэвчээр барагдаж, нөхөд чинь орхивч
Тэнгэр шиг бай, мөнхөд амгалан...
Тэргэнд суулгаж, алтан титэм өмсгөвч
Тэнгэр шиг бай, юу ч болоогүй юм шиг...

Хамгийн хайртай хүн чинь хаяж одсон ч
Хан тэнгэр нурчхаагүй цагт, бүү зов!
Гүтгэж, доромжилж бахаа ганц хангавч
Гүн тэнгэр хэмхрээгүй цагт, бүү ай!

Өвчин зовлонд нэрвэгдэж, тартагтаа тулавч
Өнө мөнхийн тэнгэр шиг бай, чи ялна
Өрөөл бусдад тоогдохоо байж, мартагдавч
Өндөр тэнгэр дээр чинь цэлийж буйг бүү март!

Яг л амьдрал чинь дуусаж, явах замгүй болсон ч
Яадгаан алдалгүй хүлээ, тэнгэр шиг бай!
Яруухан санаа мехөсдөж, хулгай зэлгийд өртсөн ч
Ядмагхан амьтдыг бүү тоо, тэнгэр шиг бай

Олз омог чамд үүдээ хаасан ч тэнгэр шиг бай
Олон түмэн нүүрээ буруулсан ч тэнгэр шиг бай
Одод гялалзаж, наран саран ээлжлэх цагт
Орчлон дээр аавын хүү шантрах ёсгүй!...

Уур омог урин мунхгийг мартаж, тэнгэр шиг бай
Уйтан хорвоогоос илүү гарч, жигүүрээ дэлгэ...
Цөхрөл чамайг багалзуурдаж, цөлийн чоно шиг болгосон ч
Цөс ихтэй хүний үр гэдгээн бүү мартаарай!...

Цорын ганц хүү минь, бас охид минь, хүүхдүүд минь
Цохолж ирэх үйлийн үрээс бүү зугт, бүү ай!...
Хувь заяатай ямагт эвлэрч, тэвчээртэй бай...
Хуучин цагийн мэргэд хүлээж сурсан юм шүү!...

Орох оронгүй болсон цагтаа орчлонг бүхэлд нь олно, чи!
Онцлох нөхөргүй болсон цагтаа, хүнийг бас ойлгоно чи !
Аз жаргал ирнэ гэвч, удалгүй алга болдог юм
Аюул зовлон тохионо гэвч, төдөлгүй арилдаг юм ...

Жамаараа ертөнцөд юм бүхэн өдөр, шөнө шиг ээлжилнэ
Жаргал зовлонгийн алинд ч, мөнх тэнгэр шиг бай !...
Атаатан түмэндээ мууг үйлдэвч, хариуд нь сайныг бүтээ .
Ариун сэтгэлийн нугад буяны цэцэгс дэлгэрдэг юм ...

Ямагт чиний зөв байх албагүй, сайтар тунгаа
Ярьж хэлэх , хөдлөх бүхнээ өерөө хяна, сэтгэ
Хүсэл бүхэн биелэх албагүй, чандалж хорь
Хүрэхийн эцэсгүй тэнгэр шиг бай, үнэнийг тэмтэр!...

Юм бүхэнд өөрийн цаг буй, сөрөөд нэмэргүй
Юлд атгасан хүн тулаанд хэрэгтэй, хуриманд нэмэргүй
Нохой болохоос нь өмнө гөлгийг хазаж хэмлэдэг юм...
Ноён болохоос нь өмне хөвгүүнийг басаж доромжилдог юм

Самуун дэгдээгчид үйлээн тайван хийг
Сандарч тэвдэх хэрэггүй тэнгэр шиг бай !
Салхи цагаан болохоор бүхнийг хийсгэдэг юм
Саваагүй амьтдын зиндаанд бүү уна !...

Эрх мэдэлтэй хүн хилэнц нүглээс зайлахгүй
Эд баялагтай хүн хүсэл шуналаас хагацахгүй
Ертөнцийн бүх юм хэмжээтэйг бүү март
Ер цагаа болохоор хумхийн тоос шиг сарнина

Энгийн хүн ардад ээлтэй бай, хайртай бай
Элдэв бусармаг явдалд бүү орооцолд!...
Үнэтэй цайтай бүхнээ бусдад өгч сур, бүү харамс
Үүрд оршихгүйн учир тус болох үйл бүтээ!...

Гаднаан ямагт бусдаас доорд бай, даруу бай
Гайхуулах хэрэггүй, дотроон тэнгэр мэт агуу бай!
Үг яриа хэрэггүй газарт харцаараа өгүүлж сур,
Үнэн худлыг ялгах аргагүй цагт бурхандаа залбир!

Өнөөдөр чамайг маргааш бусдыг хуурах хүмүүст
Өөр шигээ бүү итгэ, мөрийг хөөж чигийг барь!...
Хүү минь, хамгийн эцэст хэлэхэд нохой явдлыг дээдэл
Хүлцэн тэвчихээс илүү гавьяаг би мэдэхгүй!...

О. Дашбалбар

ФҮЖИ ууланд авираад ирлээ 1(photos)

　Арлын оронд ирээд 4 жил. Яаж ийж бгаад заавал үзэх юм шүү гэж бодож бсан газруудын маань нэг нь Япон орны сүлд нь болсон ФҮЖИ уул байлаа. Зунаас л бодож төлөвлөж байсан маань ВИМО анд нарынхаа тусламж дэмжлэгээр биеллээ.　Хөгтэй хөгжилтэй үнэхээр сайхан аялал боллоо.
Эхэндээ жолооч олддоггүй, үгэнд минь ордгоор нь өнөө л сэнпай даа хэллээ. Тэгсэн тэгий л гэнэ. Зиа ингээд жолооочтой ч боллоо, машин түрээслээд явна даа гэсэн чинь 3 өдрийн амралт таараад машин олддоггүй. Токиод байдаг машин түрээслэдэг бүх газарлуу холбоо барилаа, байдаггүй ээ. За за галт тэргээр л явий даа гэж шантраад сэнпай руу гаа ярилаа. Тоглоом шоглооом болгоод чи Точиги гээс машин түрээслээд унаад ир гэлээ хэ хэ. Тэгсэн сэнпай маань Токиогоос жаахан зайтай, Фүжитэй ойрхон газраас асуугаад үздээ, жишээ нь Одавара гэнэ. Нээрээ тэгеэ гэж бодоод Одаварад байдаг бүх машин түрээсэлдэг газруудын утасны жагсаалтыг олж аваад утастлаа.
Эхнээсээ л байхгүй бахгүй гэсэн хариу ирлээ. Хамгийн сүүлийн дугаар, хамаг найдвар байлаа. Дугаарыг нь оруулаад залгалаа....
-もしもし。小田原駅前トヨタレンタカーの。。。。。。です。
-明日、あさって　二日間　8人乗りの車をレンタルしたいんですけど。。。。
-
-(товчлов)
-
-はい、わかりました。車を用意しておきます.明日お待ちしています。

Ингэж өглөөнөөс авхуулаад утастсаны ачаар машинтай боллоо. Өдөржин утастсан хөдөлмөр маань талын нэг тарсангүй бөөн баяр ачаагаа бэлдхээр гэрлүүгээ яарлаа.

9 сарын 15. ФҮЖИ уул руу авирах өдөр маань ирлээ. Өдөр нь буудал орж сэнпай аа тосч авлаа. Ирэх долоо хоногт Токиод ажилтай, солиж өмсөх хувцас энэ тэр гээд ачаа ихтэй тул ачаагаа манайд орхихоор тохирсон байсан юм. Манайд ачаагаа орхичихоод бусдаасаа түрүүлж Одавара буудлыг зорилоо. 20 иод минутын дараа очлоо гэж байтал сэнпай маань
-Ариука , машин түрээслэхэд чинь жолооны үнэмлэх хэрэгтэй юу гэнэ?
-Хэрэгтэй байлгүй яхав гэсэн. . . . .сэнпай
-Танайд орхисон цүнхэнд үнэмлэхээ орхичихож гэдэг байгаа. . . (@_@)
- Худлаа яриад л гэсэн , үгүй эээ нээрэээ, Яахуу одоо буцвал оройтоно доо гэнэ.

Ингээд машинтай хирнээ жолоочгүй болчихов. Тэгсэн нэг найз маань Одаварад байдаг юм. Би тэрүүгээр та нарыг хүргүүлүүлчихеэ гэнэ. Зорин зорин хаа байсан точигигээс дуудаж авчирчихаад орхиод явж бас чаддаггүй.
Бусад нөхдөө ирэх хооронд энд тэндээс лавлаж асуулаа. Автобус галт тэрэг , автобус галт тэрэг гээд дамжаад явбал ФҮЖИ уулан дээрээ очих л юм байна. Цаг нарыг нь ч асууж авлаа. За ингээд галт тэргээр л явяа даа гэж бодож зогслоо. Тэгж байтал манайхан ч цуглаад ирлээ. 　Тэгсэн бид үнэхээр азтай. . . Буяа маань жолооны үнэмлэхтэйгээ явж байдаг бгаа. Бөөөөөөөөөөөөөөөөөөн баяр. Тэндээсээ очиж машинаа аваад хоолонд ороод ФҮЖИ уулаа зорилоо.
Машиний NAVI гийн зааснаар давхиад байлаа. Тэгсэн туулах ёстой зам маань 9 pm д хаачихсан байх юм. Жаахан төөрөлдлөө. Яахуу??? Өөр олон олон машинууд бидний араас ирж бна. Асууж үзлээ, тэд ч бас -Уг нь энэ замаар л явдаг юм даа гэнэ. Тэгээд ямар ч байсан буцлаа. Нэлээн буцаад явж байгаад гэрлэн дохион дээр зогслоо. Хажууд нэг машин ирээд зогссон нь түрүүний хаалттай зам дээр тааралдаж зам асуусан залуучууд байлаа. Тэд маань өөр зам олоод мэдчихэж. Ингээд дагаад давхилаа. Бид үнэхээр азтай (*^_^*)Ингээд давхисаар байгаад ФҮЖИ ууландаа ирлээ.
Тэр тэнгэрт хэдэн мянган ОД байнаааа. Тийм тод, тийм олон, тийм ойрхон ОДОД анх удаа харж бүгд уугла алдлаа. Бүгд дээшээ хараад зогсчихсон ямар гоё юм бэ гэцгээж байлаа (харамсалтай нь зураг авсан ч зурган дээр од маань гараагүй).
Ингээд хувцасаа солиж өмсөцгөөгөөд уул өөдөө авирлаа. 6 дахь давхрага хүртэл маш хурдан авирлаа. Тэндээс сэнпай маань ядраад ирлээ.Бороо ч орж эхэллээ. Нямка маань л одоо жаахан одоо жаахан тэсчих гэж байж 7 дахь давхрага хүрээд тэнд сэнпай аа үлдээгээд цааш авирах боллоо. Бороо улам ширүүслээ. Энэ янзаараа бол бид ч дээш авирахад бэрх болж бүгдээрээ тэндээ хонох боллоо. Нойтон хувцаснуудаа тайлж уутанд хийгээд унтаад өглөө.
Нэг сэрсэн хүмүүс шулганалдаад , хөдөлгөөн орчихож. Өндийгөөд харсан гадаа гэгээ орж бна. Гарч нар харяа гэсэн манайхан хувцас нойтон яаж өмсөх үү гээд босдоггүй. ФҮЖИ ууланд авирах хамгийн том зорилго маань өглөөний ургах нарыг харах байлаа.Тиймдээ ч хувт саны нойтон яахвээ нараа харяа гэж Нямкатайгаа 2 уулаа нойтон хувцасаа шүд зуун өмсөөд гарлаа. Гадаа гартлаа хувцас хүйтэн бaйна шүү гэж байсан 2, гадаа гараад хувцасаа мартчихсан.

Арга ч гүй. Нар чинь үүлний доор л байдаг шиг санаж бсан юм чинь . . . . Үнэхээр гайхалтай. Үгээр хэлж үзгээр илэрхийлэхийн аргагүй үзэсгэлэнт байгаль бид 2-ыг угтcaн юм.

Ингээд бусад нөхдийгөө сэрээж, нараа ханатлаа хараад, өглөөний цайгаа уугаад сэнпай аа үлдээгээд уулынхаа оргил өөд мацлаа.